Nire Aste Santuko amesgaiztoa
Aste Santuan idatzi neban ipuin berezi hau nire lagun bateri eskeintzen deutsat bera izan zalako ipuineko esaldi ederra esan eustana eta ezagutu dodan pertsonarik onenetarikoa dalako:
Beldur naiz. Aste Santua heltzeko irrikitan nengoen, baina orain heldu eta amesgaizto bilakatu zait. Batzuek uste dute egiten dutena ederto dagoela, baita perfektuak direla ere; baina perfektutasuna existitzen al da? Ni ez nago hain seguru. Horregatik, pertsonak garelako eta mundu honetan bizi garelako, akatsak egiten ditugu; bizitzan egin ditugunak onartu besterik ez ditugu egin behar eta horrela, esan ohi den legez: “akatsetatik ikasi”.
Hau ez du edonork betetzen, badira pertsonak, zeinentzako zaila den zer edo zer egiten dutenean txarto dagoela onartzea. Ez al da horrela? eta bitartean, besteok: ez al dugu inoiz pentsatu ez dugula ezer ez egin, baina, hala ere, errudunak garela? Inpotentzia sentitzea oso goibela da. Harria gainean erortzen zaizu, zapaltzen zaitu, barnean arimarik ez, indarrik ez, amets egitea da geratzen den parada bakarra. Baina ametsa ere gaiztoa bada?
Utzi ditzagun hauek guztiak alde batera, eta tira, bizitzan ere badago zoriontsu izateko arrazoia. Jakin badakizue paperak ukabilari erronka egin diola beti eta haren kontra irabazi, “harria, papera edo artazia” jolasa gogoratzen?
Ezin ahaz dezaket egun batean lagun berezi batek esan zidan esaldi ederra: “onena eskaintzen deutsazu bizitzari eta bizitzak emongo deutsu merezi dozuna”. Ireki behingoz begiak garuna erabiliz, ez diezaiogun ikusmenari errealitatea ukatu; berak ez du merezi.
Egun batzuk pasatu dira Poesiaren Nazioarteko eguna izan zenetik, hori dut bizitzeko beste arrazoi bat. Eta maite dut, eta ez dakit nor, baina maite dut, eta gauero itxaroten zaitut ametsetan. Idazlan hau bukatuko dudanerako, baliteke nik hainbeste laket dudan hori aurkitzea. Zabal eta anbiguoa, fikzioa eta errealitatea biltzen dituena; saiatuta ere ezin dezakegu ahantzi, denok behar dugun zerbait da, bizia sortarazten digun tontor amaigabea baita hamaika hitzen sortzailea.
bidaltzailea: Janire Rodriguez ordua: 8:25 PM
|
2 erantzun
